Францускиот десен бек Баптист Одифред е нов член на Еурофарм Пелистер 2. Новиот член на Супер лигата го осигура потписот на 26-годишниот Одифред.
Во Франција настапуваше за екипите на Дижон и Безансон, потоа беше дел од Диферданж од Луксембург и Даидо Стил од Јапонија, а во следните две сезони ќе игра за Еурофарм Пелистер 2.
Се работи за ракометар висок 199 сантиметри, одличен стрелец и ракометар со важна улога и во играта во одбрана.
Претходно Еурофарм Пелистер 2 се засили со младинските репрезентативци Славчо Шулески и Јован Даневски.
