Легендарната шведска ракометарка Изабела Гулден објави дека ја завршува професионалната кариера на крајот од оваа сезона.
Иконата на шведскиот ракомет ја започна кариерата во Савехоф, а потоа имаше одлични настапи на меѓународна сцнеа.
Беше дел од данскиот Виборг, романскиот ЧСМ Букурешт, францускиот Брест Бретањ и норвешкиот Вајперс Кристијансанд.
Освојуваше многу титули со овие клубови, а најзначајни се оние во Лигата на шампионите со ЧСМ Букурешт во 2016 и со Вајперс Кристијансанд во 2022 година.
Гулден го носеше дресот на Шведска на 224 натпревари и постигна 840 погодоци на големите натпреварувања.
Последен клуб во нејзината кариера беше шведскиот Луги.
