Денеска со натпреварот меѓу Вардар и Охрид ќе започне 3. коло од плеј-оф/аут фазата во суперлигашката конкуренција.
Вардар засега има максимален ефект, во првите две кола славеше против градските ривали – тимот од Автокоманда и Бутел.
Охриѓани, кои во претходното коло беа поразени од актуелниот шампион, а на стартот беа подобри од Бутел, ги очекува тежок предизвик.
Стевче Алушовски се соочува со големи играчки проблеми, но и покрај отсуството на неколку клучни играчи, составот на „гладијаторите“ не треба да се потцени.
Вардар во регуларниот дел од сезоната двапати го совлада Охрид,со 29:26 на домашен терен и 27:26 на гости.
Денешниот натпревар ќе се одигра во СЦ „Јане Сандански“, со почеток од 18:00 часот, а покрај овој меч ќе се играат уште две средби од прволигашката конкуренција.
ДЕНЕСКА НА ТЕРЕНИТЕ:
18:00 ВАРДАР – ОХРИД (СУПЕР ЛИГА)
18:30 ТЕКСТИЛЕЦ – АЕРОДРОМ (ПРВА ЛИГА)
19:00 МЕТАЛУРГ РА – ДРАЧЕВО (ПРВА ЛИГА)
