Репрезентацијата на Словенија со победа го започна настапот во главната фаза на Светското првенство 2025 во Данска, Норвешка и Хрватска.
Избраниците на Урош Зорман за ривал ја имаа Аргентина и без многу проблеми дојдоа до висок триумф од 34:23.
Словенците во главната фаза влегоа со два бода, па така денешната победа против Аргентина е од голема важност за составот на Зорман.
На стартот на натпреварот, односно во 7-та минута, повреда заработи членот на Еурофарм Пелистер, Нејц Цехте, кој мораше да биде изнесен на носилки, а во следниот период би требало да се знае дали станува збор за сериозна повреда.
Најефикасни во репрезентацијата на Словенија беа Алекс Влаг и Тадеј Кљун, двајцата имаа по четири погодоци. Во составот на Аргентина се истакна Рамиро Мартинез со четири реализирации.
Аргентина во 2. коло ќе има шанса да победи, бидејќи за ривал го има Бахреин, додека Словенија оди на мегдан со Египет.
Бразил и Чиле одиграа неизвесен натпревар до самиот крај, а на победа се радуваа Бразилците, откако во клучните моменти беа повеќе пофусирани, триумфираа со 28:24.
За Бразил, исто така, денешната победа е од голема важност, сега на табелата има четири бода и останува во игра за добар пласман на Мундијалот.
