Денеска продолжуваат натпреварите од второто коло на СП, а ќе се одиграат и неколку натпревари од последното, трето коло од групната фаза на Мундијалот.
Италија, која испиша историја и си обезбеди пласман во главната фаза, оди на мегдан со бранителот на златото – Данска. Јасно е дека составот на Николај Јакобсен е голем фаворит на денешниот дуел, а „азурите“ ќе се обидат да се претстават во добро светло.
Репрезентацијата на Словенија против Зеленортските Острови ќе ја брка втората победа на Мундијалот. Избраниците на Урош Зорман во првото коло беа убедливи против Куба, триумфираа со 41:19.
Австрија на Алеш Пајовиќ ќе посакува добра игра против Франција, овие две репрезентации во првото и второто коло од групната фаза беа подобри од Катар, односно Кувајт, репрезентации кои ќе имаат меѓусебен дуел за третото место во групата Ц.
Распоред на денешните натпревари на СП:
18:00 Алжир – Тунис
18:00 Франција – Австрија
18:00 Шпанија – Јапонија
18:00 Зеленортски Острови – Словенија
20:30 Чиле – Шведска
20:30 Данска – Италија
20:30 Исланд – Куба
20:30 Катар – Кувајт
