Пред стартот на пролетниот дел од сезоната и битката за опстанок, тимот на Бисинов ФЛ од Велес го засилува својот ростер.
Пред потпис со велешкиот состав се двата бека – средниот Марио Миланов и десниот Синиша Павлов.
Миланов има солидно суперлигашко искуство играјќи за Голден Арт и Бутел Скопје, а беше дел и од Шампион.
Павлов настапуваше за Прилеп, Голден Арт, Радовиш и Скопје, а на меѓународна сцена ги носеше дресовите на чешкиот Маломерице и косовската Вјоса.
Допрва ќе биде одлучено дали двајцата ракометари ќе ги задоволат вкусовите на тренерот Глигоров и дали ќе потпишат договори со Бисинов ФЛ.
Велешани се на делба на 10 место на табелата во Супер лигата заедно со Струга и сосема извесно ќе играат во плеј-аутот напролет.
