Откако остана без Борјана Коцева, која го повреди прстот на шутерската рака, селекторот на женската репрезентација на Македонија, Кристијан Грчевски, остана и без уште една од ракометарките која требаше да биде меѓу ударните игли на Европското првенство.

Станува збор за Ивана Гакидова, која има повреда на дланката и нема да биде во можност на им помогне на своите колешки на претстојниот континентален собир. Ракометарката на романската Слатина беше меѓу најдобрите на „Трофеј Карпати“ постигна девет гола од десет обиди против Романија и Словачка.

Грчевски сега останува со Ивана Џатевска и Катерина Дамјановска на линијата од шест метри, а дали ќе повика дополнително нова ракометарка, останува да видиме на утрешниот собир.

Македонија до среда ќе тренира во Скопје, в четврток заминува за Пореч, каде в петок и сабота ќе ги одигра последните две контролни средби против Хрватска и Србија, а оттаму ќе замине во Дебрецин, каде ќе има доволно време за аклиматизација пред стартот на ЕП.

ЕП 2024 стартува на 28 ноември со дуелот против Шведска, на 30 ноември ривал ќе ни биде Турција, додека на 2 декември, Македонија ќе се соочи со домаќинот Унгарија.

Традицијата продолжува и екипата на 24Ракомет и годинава ви овозможува во секое коло да гласате за најдобрите ракометари по коло во есенскиот дел од сезоната.

На крајот од сезоната повторно ќе ја избереме иделната седморка, а во меѓувреме за секое коло ќе ви дадеме можност да го изберете најдобриот играч во идеалниот тим што го предлага тимот на 24Ракомет.

Ние ги одбравме најдобрите седум. Со помош на вашите гласови ќе го одбереме ракометарот кој ќе биде МВП на 11 коло од суперлигашката конкуренција. Едноставно, гласајте за ракометарот за кој сметате дека бил меѓу најдобрите и го одбележал ова коло.

Meѓу номинираните за ова коло има по еден ракометар од Вардар, Еурофарм Пелистер, Пролет, „сино-белиот“ тим од Автокоманда, Куманово и двајца од Тиквеш.

За МВП на колото ќе можете да гласате до петок до 12 часот.

Супер лига, 11. коло, резултати:

ПРОЛЕТ – БУТЕЛ СКОПЈЕ 24-19 (ИЗВЕШТАЈ)
СТРУГА – ВАРДАР 25-34 (ИЗВЕШТАЈ)
ОХРИД – АЛКАЛОИД 22-29 (ИЗВЕШТАЈ)
БИСИНОВ ФЛ – ТИКВЕШ 22-33 (ИЗВЕШТАЈ)
ЕУРОФАРМ ПЕЛИСТЕР – ПРИЛЕП 46-24 (ИЗВЕШТАЈ)
КУМАНОВО – РАДОВИШ 30-26 (ИЗВЕШТАЈ)

СПОРЕД ВАС КОЈ Е НАЈКОРИСЕН РАКОМЕТАР НА 11.КОЛО ВО СУПЕР ЛИГА?

Мартин Серафимов - десен бек - Алкалоид

48.84%

Давид Димевски - лев бек - Куманово

23.26%

Богдан Радивојевиќ - десно крило - Еурофарм Пелистер

11.63%

Ласко Андоновски - среден бек - Пролет

11.63%

Кристијан Анастасовски - пивот - Тиквеш

2.33%

Хансер Родригез - лево крило - Вардар

2.33%

Игор Арсиќ - голман - Тиквеш

0.00%

ИДЕАЛЕН ТИМ НА 11. КОЛО ОД СУПЕРЛИГА

Голман: Игор Арсиќ (Тиквеш) – Српскиот голман блескаше во Велес и забележа 17 интервенции.

Лево крило: Хансер Родригез (Вардар) – Кубанскиот репрезентативец беше меѓу подобрите во триумфот над Струга.

Лев бек: Давид Димевски (Куманово) – Младинскиот репрезентативец беше на ниво и меѓу најзаслужните за бодовите против радовишани.

Среден бек: Ласко Андоновски (Пролет) – Средниот бек продолжува да игра во одлична форма оваа сезона.

Десен бек: Мартин Серафимов (Алкалоид) – Македонскиот репрезентативец постигна 12 голови на гостувањето кај Охрид.

Десно крило: Богдан Радивојевиќ (Еурофарм Пелистер) – Србинот коректно си ја одработи задачата против прилепчани.

Пивот: Кристијан Анастасовски (Тиквеш) – Кружниот напаѓач беше меѓу најдобрите поединци во триумфот кај Бисинов ФЛ.

Екипата на Чаир се пласира во ТОП 16 во Европскиот Куп, откако го доби и реванш натпреварот против Колехио Де Гаиа, триумфираше со 28:26.

Чаирчанки на првиот натпревар, кој беше одигран вчера, победија со 29:25 и јасно беше дека португалскиот претставник ќе има тешка задача.

За Чаир пласманот во осминафиналето од Европскиот Куп е историски, бидејќи во претходните четири сезони на европска сцена, со исклучок на сезона 2023/24, не успеваше мине едно коло.

Избраничките на Басри Љатифи уште од самиот старт наметнаа темпо кое гостинките не можеа да го следат. Расположени во првиот дел беа Ѓорѓиевска и Дукоска, двете ракометарки во првите 30 минути одигра речиси без грешка и имаа по пет гола. Чаир во 20 минута имаше предност од плус три, 8:5, а потоа гостинките се заканија и намалија на минус еден, 9:8.

Чаир во завршниот дел од првото полувреме одигра цврсто во одбраната, не дозволи ривалот да направи камбек и на пауза замина со предност од плус четири, 13:9.

Македонскиот претставник на стартот на второто полувреме зголеми на 15:10 и до финишот константно беше во предност, до 45 минута најчесто водеше со два-три гола разлика, потоа осетно ја зголеми разликата, а во последните пет минути гостинскиот тим успеа да ја искористи опуштеноста на Чаир.

Најефикасна кај Чаир беше Стефанија Ѓорѓиевска со десет гола, седум постигна Теодора Дукоска, по три имаа Биљана Дамчевска и Теодора Гулицоска.

Селекторот на женската репрезентација на Турција, Костика Бучечи, го соопшти списокот на ракометарки пред настапот на Европското првенство 2024.

На списокот кај романскиот стратег партиципираат 23 ракометарки, поголемиот број од нив доаѓаат од домашниот шампионат, а има неколку интернационалки кои настапуваат во Романија.

Како што е познато, Турција е еден од ривалите на Македонија во групната фаза на континенталниот собир.

Освен со Македонија, репрезентацијата на Турцијаза ривали ги има уште Унгарија и Шведска.

Најдобрите две репрезентации од секоја група ќе обезбедат пласман во главната фаза на ЕП.

Членката на Пелистер, Моника Босилковска,, го доби признанието за најкорисен играч, односно ѕвезда на 9. коло во единственото женско сениорско натпреварување.

Битолчанката во претходното коло со 12 погодоци го предводеше Пелистер до убедлив триумф над Овче Поле СУ.

Десното крило немаше конкуренција на гласањето, доби неверојатни 80% од гласовите на читателите на 24Ракомет, додека второпласирана беше Марија Анчева од Астибо.

Во конкуренција за ѕвезда на 9. коло беше и голманката од Куманово, Марија Јовановска.