Уште едно големо признание за квалитетот на најдобрата судиска двојка Славе Николов и Ѓорѓи Начевски.

Tие на барање на Азиската ракометна федерација и ИХФ, ќе судат на натпреварите од Лигата на шампионите во Азија што ќе се играат во Доха.

Ќе настапат девет екипи, поделени во две групи, а Ал Калеј од Саудиска Арабија ќе ја брани титулата освоена минатата сезона.

Уште пет учесници претходно освојувале титули во Азиската ЛШ, а тоа се катарскиот Ал Духаил, Казма од Кувајт, Ал Рајан од Катар и Ал Кувајт од Кувајт.

Натпреварите ќе се играат од 12 до 23 ноември, а победникот ќе обезбеди место на Светското клупско првенство во 2025 година.

По четири години минати како тренер на голманите во младите категории во репрезентацијата на Катар, Петар Мисовски поранешниот репрезентативен голман на Македонија ќе остане во Доха, но ќе има нов предизвик – ќе биде дел од стручниот штаб на Духаил, еден од најдобрите екипи во таа земја.

Актуелниот освојувач на Купот на Емирот во Катар и тим кој последните девет години постојано освојува трофеи во Катар, го побара Мисовски да биде дел од нивниот стручен штаб и да биде задолжен за формата на голманите во сениорката екипа.

Поранешниот репрезентативец на Македонија кој зад себе има и интернационална кариера пред да замине во Катар во 2021 година, работеше во Металург исто така тренер на голманите, и заедно со Лино Червар кога Металург играше во ЛШ и СЕХА лигата. Работата и резултатите му донесоа бројни препораки, па така и најдобриот катарски тим му понуди да биде дел од нивниот стручен штаб.

Духаил е речиси „тим-репрезентација“ и во него има 12 репрезентативци на Катар кои во јануари ќе играат на СП во Пореч, Хрватска. Во тимот главни ѕвезди се Капоте, Мададаи и Токуда, а Духаил го брани освоениот Куп на Емирот, најценетиот трофеј во Катар. Тренер на екипата е Горан Ѓокиќ.

Тимот ќе настапи на Азиското клупско првенство кое следниве десетина дена ќе се игра во Доха, како претставник на Катар, заедно со тимот на Ал Рајан. На 17. азиско клупско првенство ќе играат вкупно 10 екипи, од Катар, Ирак, Кувајт, ОАЕ, Саудиска Арабја, Оман, Бахреин и Иран.

Мисовски во својата играчка кариера има настапувано за екипите на Пелистер, Пролет, Вардар, Металург, а има играно и во Данска, Шведска, Норвешка, Хрватска, Турција и Словенија. Како играч има освоено 5 првенства и Куп трофеи во Македонија, и плус 1 Куп со Металург како тренер во 2019 година, победувајќи го Вардар во финалето.

Откако Раул Алонсо го замени Бранко Ангеловски на клупата на македонскиот шампион Еурофарм Пелистер, се зголеми доминацијата на шпанските стратези во Лигата на шампионите.

Сега дури седум екипи, односно скоро половина од 16 екипи во елитната конкуренција на клупата имаат шпански стратези.

Покрај Раул Алонсо во Еурофарм Пелистер, тука се Талант Душебаев (Келце), Хавиер Сабате (Полска), Давид Дејвис (Динамо Букурешт), Чави Пасквал (Веспрем), Антонио Ортега (Барселона) и Раул Гонзалес (ПСЖ).

Шпанските тренери освоија дури 12 од последните 20 изданија на Лигата на шампионите, па јасно е зошто се уште се „во мода“.

Во најелитното европско клупско натпреваруање има и четворица скандинавски тренери, но сите од различни земји – Микаел Апелгрен од Шведска (ПИК Сегед), Кристијан Берге од Норвешка (Колстад), Симон Дал од Данска (Алборг) и Гудмундур Гудмундсон од Исланд (Фредериција), има и двајца Германци – Бенет Вигерт (Магдебург) и Јарон Сиферт (Фуксе Берлин), додека сите други земји имаат по еден претставник.

Србинот Велимир Петковиќ е на клупата на Загреб, Португалецот Рикардо Кошта го води Спортинг Лисабон, додека Французинот Грегори Кожан е предводник на Нант.

Одлуките на Дисциплинската комисија на Ракометната федерација на Македонија по скандалозниот натпревар меѓу Скопје и Гевгелија од Купот на Македонија, денеска беа потврдени во билтенот на РФМ.

Како што прв објави 24Ракомет, Скопје и Гевгелија се исклучени од Женската лига до крајот на сезоната, како сениорските, така и сите нивни младински екипи.

Одговорните лица на двата клуба – Валентина Радуловиќ, Веселинка Треноска и Јулија Беќарова се казнети со двегодишни суспензии.

Делегатот на овој натпревар, Митко Ѓорѓиевски, исто така доби казна од шест месеци, поради пропусти при составувањето на записникот.

🎥 СКАНДАЛ во македонскиот Куп – си даваа автоголови, за да не победат!

🎥 Министерот Ристовски потврди – ќе им се одземат лиценците на Скопје и Гевгелија!

📸 Македонскиот ракомет стана сеир на Балканот!

24Ракомет дознава: РФМ ги исфрли Скопје и Гевгелија од лигата!