Шпанија ја одбрани титулата на Светското првенство за кадетки и по вторпат во низа се искачи на светскиот трон. Во драматичното финале во Питешти, Шпанките ја совладаа Црна Гора со 26-23 (11-12), иако во 55. минута губеа со 20-22.
Црна Гора одлично го отвори финалето и поведе со 3-0, а на полувреме имаше минимална предност од 12-11. Во вториот дел Црногорките повторно имаа контрола и стигнаа до највисоки плус три, 20-17.
Сепак, Шпанија направи неверојатен пресврт во самиот финиш. Со агресивна одбрана и игра „седум на шест“, актуелниот светски шампион израмни на 22-22 во 55. минута, а потоа постигна четири гола во низа за предност од 26-22.
Црна Гора успеа да постигне уште еден гол, но немаше време за нов пресврт. Шпанија славеше со 26-23 и ја освои втората последователна титула.
Со овој успех, Шпанија стана само втората репрезентација во историјата која успеала да освои две последователни титули на Светското првенство за кадетки, по Русија, која триумфираше во 2016 и 2018 година.
За Црна Гора, пак, ова беше историски успех. Во своето прво финале на Светското првенство, црногорската селекција го освои сребрениот медал, што е воедно и прва медал нацијата на овој шампионат.
Најефикасни кај Шпанија беа Луција Каљеја Веласко со шест и Ираја Бероета Санчез со пет гола, додека голманката Ребека Секадес Катала имаше 10 одбрани. Кај Црна Гора, Ивана Савиќ и Анѓелина Орбовиќ постигнаа по осум гола.
