Селекторот на женската репрезентација на Македонија, Кристијан Грчевски, го објави списокот на ракометарки повикани за собир пред настапот на „Трофеј Карпати“.
Грчевски смета на 22 ракометарки, а меѓу нив е најдобриот стрелец од минатата сезона во Женската лига, Марија Анчева од штипски Астибо.
Во споредба со минатата акција и пријателските со Австрија на списокот ги нема Ивана Арсениевска, Леонида Гичевска, Ангела Јанкуловска, Емилијана Ризоска и Марија Тасевска.
За оваа акција повик доби триото од Металург Автокоманда – Михаела Кралева, Марија Јанкуловска и Сара Миновска, како и Катерина Дамјаноска од Ѓорче Петров и Бојана Диневска од Чаир.
Собирот на ракометарките ќе биде на 21 октомври со почеток во 09:00 часот во салата „Антон Димитров“ во населба Бутел.
„Трофеј Карпати“ ќе се одржи од 25 до 27 октомври во романскиот град Клуж, а Македонија ќе одигра натпревари против Романија, Словачка и Швајцарија.
ПОВРЗАНИ ВЕСТИ
