Ракометарките на Ѓорче Петров во натпревар од 5. коло од Женската лига одиграа како на тренинг против Спартак, триумфираа со 58:11.
Ѓорчепетровки не се опуштија во ниту еден момент, во првото полувреме постигнаа 31 гол и рутински ги одработија вторите 30 минути.
Во таборот на Ѓорче Петров доволна за победа беше само Емилијана Ризоска, која постигна дури 20 погодоци, а ја следеше Катерина Дамјановска со 11.
Кај Спартак само две ракометарки се запишаа во листата на стрелци – Зорица Андовска (шест гола) и Ива Ѓорѓиевска (пет гола).
Следен натпревар за Ѓорче Петров ќе биде реванш дуелот против Хорс од втората рунда од Европскиот Куп.
ПОВРЗАНИ ВЕСТИ
