Екипата на Вардар во натпревар од 5. коло од Женската лига запиша рутинска победа над Шампион, триумфираше со 58:14. Избраничките на Анжела Платон денешната задача си ја завршија уште во првото полувреме, во кое дадоја дури 29 гола, а примија само три.
Вториот дел, исто така, мина во потполна доминација на „црвено-црните“ кои ја казнуваа секоја грешка на ривалот. Најефикасна во редовите на победничката екипа беше Леона Миленковска, постигна 12 погодоци, а второ име беше Ивона Кимовска со пет реализации.
Кај тимот на Шампион листата на стрелци беше предводена од Марија Бојковска со пет погодоци.
Тимот на Ѓорче Петров 2 славеше во пресметката со Стружанка на гостински терен со 32-16. Избраничките на Милева Велкова поведоа на стартот со 4-1, на паузата беше 13-7, а во вториот дел комплетно беше надигран противникот.
Најдобри стрелци во победничката екипа беа Ања Лашкоска со седум и Ива Велкова со пет погодоци, додека кај Стружанка се истакна Маја Раткушиноска со осум гола.
