Поранешните ракометари на Вардар, Јоел Куни Моралес и Павел Атман, кој играше и за Металург, ќе бидат дел од иста екипа во новата сезона.
Кубанскиот десен бек и рускиот среден бек потпишаа договори за следната сезона со тимот на Хапоел Ришон Ле Зион.
За Моралес имаше комбинација со унгарската Татабања, но таму не ги мина лекарските прегледи и тој трансфер пропадна.
Атман пак беше во комуникација со Бутел Скопје, и иако најави дека сака да замине од Израел, сепак ќе продолжи таму.
Моралес претходната сезона ја одигра во хрватскиот Загреб, додека Атман беше дел од Макаби Ришон Ле Зион.
ПОВРЗАНИ ВЕСТИ
