Кадетките на Вардар се новите шампионки во Македонија, откако ја обезбедија титулата на едно коло до крајот на првенството.
Избраничките на Марија Папуџиева и Даниела Вељаноска славеа на гостински терен кај составот на Јехона со 38-19, додека нивниот конкурент за првото место направи кикс.
Стружанка, која беше бранител на титулата загуби на гостински терен кај Илинден Вардар со 25-24 и сега првото место е недостижно.
На колот пред крајот, Вардар е прва со 35 бодови, Стружанка е втора со 31, додека Ѓорче Петров е трет на табелата со 28 бодови.
Во последното коло вардарки ќе играат на домашен терен против Чаир кога ќе им биде доделена титулата.
ПОВРЗАНИ ВЕСТИ
