Екипите на Македонија ЃП и Кичево во натпревар со многу пресвети, изедначувања и неизвесност, одиграа нерешено, 20:20.
Иако Кичево се наоѓаше пред победа, имаше 19:17 во финишот, сепак, членот на Македонија ЃП, Максимилијан Ѓиноски, им ја расипа забавата на гостите и со два гола во низа му донесе голем бод на својот тим.
Најефикасен во домашната екипа беше Бојан Божиновски со четири погодоци, по три постигнаа Стефан Нацев, Максимилијан Ѓиноски, Живко Петровски и Дамјан Миноски.
Во екипата на Кичево најефикасни беа Стефан Стефаноски и Бојан Стојкоски, кои постигнаа по пет погодоци.
Македонија ЃП во следното прволигашко ќе го пречека Овче Поле, додека Кичево на свој терен ќе се сретне со непоразениот Бисинов од Велес.
ПОВРЗАНИ ВЕСТИ
