Тимот на Радовиш, кој минатата сезона играше во суперлигашкото друштво, имаше победнички старт во Првата лига, откако славеше против Овче Поле со 41-26.
Домаќините имаа контрола на теренот во текот на целиот натпревар, иако гостите добро парираа во првото полувреме.
На пауза избраниците на Љупче Мијалов имаа плус три, 18-15, но во второто полувреме комплетно го надиграа ривалот.
Беа доделени и два црвени картони, за Зоран Стојановски од домашниот тим поради три исклучувања, како и за Филип Сентовски поради груб фаул.
Најдобри стрелци во победничкиот тим беа Здравко Постолов со 11, Васе Петров со девет и Зоран Стојановски со седум погодоци. Кај Овче Поле се истакнаа Димитар Минов и Борјан Цековски со по шест гола.
ПОВРЗАНИ ВЕСТИ
