Судии од Австрија за Еурофарм Пелистер против Кил

Европската ракометна федерација ги одреди официјалните лица за натпреварите од третото коло во Лигата на шампионите.

Еурофарм Пелистер ќе игра на домашен терен против германскиот шампион Кил, а судиите се од Австрија.

Станува збор за Радојко Бркиќ и Андреј Јусуфхоџиќ, додека делегатот доаѓа од Грција, а тоа е Сотирис Мигас.

Натпреварот меѓу Еурофарм Пелистер и Кил се игра в среда, на 27 септември со почеток во 18:45 часот во „Боро Чурлевски“.

Македонскиот првак досега забележа два порази – од норвешкиот Колстад дома и од данскиот Алборг на гостински терен.