Тимот на Куманово промовираше уште две засилувања пред стартот на новата натпреварувачка сезона.
По левото крило Адела Еленин, кумановци објавија дека потпишале договори со уште едно лево крило и среден бек.
Станува збор за младинската репрезентативка Нена Нестороска, која доаѓа во Куманово од тимот на Металург и за Јана Ѓошевска, кој играше за Спартак.
Претходно Габриела Величковска го продолжи договорот, а клубот го напуштија Андреза Алмеида, Тамара Ивановска и Пена Граматова.
Покрај на домашна сцена, тимот на Куманово ќе биде активен и на меѓународна сцена со настапот во Европскиот Куп.
ПОВРЗАНИ ВЕСТИ
