Ристовска и ЦСКА ќе се борат за прво место во Русија

Македонската репрезентативка Сара Ристовска заедно со екипата на ЦСКА Москва обезбедија пласман во финалето од рускиот шампионат.

ЦСКА Москва во полуфиналето за ривал ја имаше екипата на Лада Тољати и успеа да го елиминира некогашниот европски гигант.

Ристовска и колешките на првиот полуфинален дуел славеа со 31:25, додека на реваншот одиграа нерешено, 29:29.

Ривал на ЦСКА Москва за првото место ќе биде актуелниот шампион Ростов Дон.

Првата средба од финалниот дуел меѓу ЦСКА Москва и Ростов Дон е закажана за 25 мај.