По многубројните отсудени натпревари во Лигата на шампионите, во Лигата на Европа и на Ф4 во ова натпреварување, уште едно големо признание за македонските судијки Силвана Карбеска и Марија Илиева од ЕХФ.
Европската куќа на ракометот ги делегираше Македонките за реванш финалниот натпревар од женскиот Европски Куп.
Тој натпревар меѓу турската Анталија Коњалти и шпанскиот тим Атлетико Гуардес ќе се одигра на 7 мај со почеток во 19:00 часот во Анталија.
Делегат на овој меч е Израелецот Коен, а првиот натпревар од финалето ќе се одигра во Понтеведра на 30 април.
За турската Анталија Коњалти играат репрезентативките Моника Јанеска и Ивана Гакидова, па ќе има дури четири Македонки на вториот финален натпревар на теренот.
ПОВРЗАНИ ВЕСТИ
