Вардар покажа моќ над Елверум – со стил оди во осминафинале на ЛШ!

Ракометарите на Вардар со победа го завршија настапот во групната фаза од најелитното европско натпреварување, откако на домашен терен славеа над Елверум со 39-30. Овој натпревар за македонскиот првак имаше ревијален карактер, бидејќи од претходно го обезбеди местото во осминафиналето во Лигата на шампионите.

Вардар тргна фуриозно, поведе набрзина со 4-0 по пет минути игра и најави лесни бодови. Сепак, норвешкиот тим од претходно знаеше дека оди во елиминациите, па играше без притисток и се врати во игра, откако Јохансон постигна гол за 6-4.

Избраниците на Давид Дејвис во продолжение од натпреварот ја одржуваа разликата од два до три гола, иако крилата Дибиров и Георгиевски имаа шанса да го зголемат водството, но не успеаја.

Шанса за настап доби и повратникот Анте Гаџа по рехабилитацијата. Во 25 минута, вардарци имаа шанса да дојдат до највисоката разлика што ја имаа на стартот, плус четири, но не реализираа и казната стигна преку Хедберг за 14-12.

По две грешки во нападот на вардарци, беа примени два гола и Елверум стигна само на минус еден 15-14. Капитенот Стоилов реализираше, Гогов одбрани во следната акција на гостите и Дибиров погоди за плус три, 17-14. Сепак имаше уште два брзоплети напади на Вардар, гостинскиот голман одбрани зицер на Стоилов, а Елверум во последните секунди стрелаше за 17-16.

Вардарци имаа несигурен напад на стартот на второто полувреме, па Елверум за пет минути даде три гола и направи комплетен пресврт, 17-18. Не само што направи пресврт, туку и поведе со плус три гола, 18-21. Дејвис виде дека ѓаволот ја однесе шегата и повика тајм-аут. Вардарци потоа погодија во серија и намалијиа на 22-23. Беше искористен еден напад кога Елверум беше без голман и одново македонскиот тим беше на гол негатива, 24-25.

Добрата одбрана резултираше со гол во следниот напад на Оливие Њокас за 25-25, а серијата продолжи и понатаму за 27-25 за македонскиот првак. На девет минути до крајот на мечот, Кевин Њокас врати плус три за Вардар, 30-27, а кога капитенот Стоилов реализираше за плус четири веќе беше најавен триумфот. Следуваа неколку одбрани на Томовски, лесни голови на празна мрежа и до крајот беше само рутински одработена задачата за конечни 39-30.

ВАРДАР 1961ЕЛВЕРУМ 9 март 2022 39 - 30 Крај

Детали

Датум	Време	Лига	Сезона	Match Day	Крај
9 март 2022	21:08	ЛИГА НА ШАМПИОНИ А	2021/2022	09.03.2022	60'

Место

СЦ „Јане Сандански“

Резултати

Екипа	1-во полувреме	2-ро полувреме	Резултат
ВАРДАР 1961	17	39	Победа
ЕЛВЕРУМ	16	30	Пораз

ВАРДАР 1961

#	Играч	Позиција	Исклучување	Голови
5	Стојанче Стоилов	пивот	0	2
6	Оливие Њокас	лев бек	1	6
7	Патрик Валчак	пивот	0	4
8	Јоел Куни Моралес	десен бек	0	3
9	Гоце Георгиевски	десно крило	0	1
10	Кевин Њокас	десен бек	1	5
12	Мартин Томовски	голман	0	0
13	Дијало Бакари	лев бек	0	0
14	Јан Чувара	лево крило	0	0
22	Жереми Тото	пивот	1	4
24	Анте Гаџа	централен бек	0	0
28	Филип Талески	лев бек	1	1
31	Тимур Дибиров	лево крило	0	7
44	Стефан Додиќ	централен бек	0	1
45	Дарко Ѓукиќ	десно крило	0	5
99	Васил Гогов	голман	0	0
	Вкупно		4	39

ЕЛВЕРУМ

#	Играч	Позиција	Исклучување	Голови
3	Јосип Видовиќ	централен бек	0	0
4	Кристофер Хедберг	десно крило	0	2
5	Кристијан Хуберт Ларсен	пивот	0	0
6	Стиг Торе Моен Нилсен	десен бек	0	7
7	Каспер Торстен Лиен	десно крило	0	1
12	Емил Кери Имсгард	голман	0	0
14	Јохан Никлас Фингрен	лев бек	0	1
15	Тобијас Грондал	централен бек	0	4
16	Торстен Фрис	голман	0	0
20	Ендре Лангас	пивот	0	1
28	Ори Фреј Торкелсон	лево крило	0	1
32	Томас Солстад	пивот	0	5
33	Синдре Хелдал	лево крило	0	0
42	Ерик Јохансон	лев бек	0	8
19	Арон Палсон	лев бек	0	0
	Вкупно		0	30

Officials

Делегат:	Судии:
Леополд Калин	Саша Вилд (ГЕР) Фабијан Баумгард (ГЕР)

Лига на Шампиони А

Поз	Екипа	Н	П	Р	Л	Б.
1	ВЕСПРЕМ	8	7	0	1	14
2	ПСЖ ХЕНДБОЛ	8	6	0	2	12
3	СПОРТИНГ	8	5	1	2	11
4	ДИНАМО БУКУРЕШТ	8	5	0	3	10
5	ФУКСЕ БЕРЛИН	8	4	0	4	8
6	ЕУРОФАРМ ПЕЛИСТЕР	8	1	2	5	4
7	ХК ФРЕДЕРИЦИЈА	8	1	1	6	3
8	ВИСЛА ПЛОЦК	8	1	0	7	2