Добра игра, но недоволна за победа – Грешките го чинеа Вардар нов пораз во ЛШ

Ракометарите на Вардар имаа добри периоди на средбата против Пик Сегед, но им недостигаше малку за да успеат да дојдат и до победа против тимот од Унгарија и да се израдуваат на нови бодови така што од гостувањето се враќаат со пораз од 31:34.

Во текот на целата средба имаше надигрувања. И двете екипи имаа свои периоди, имаа и расположени голмани, но и грешки.

Почетокот им припадна на домашните кои успеаја да дојдат до предност и имаа контрола на натпреварот. Стигнаа до највисоки 11:7 на средина од првото полувреме, но тука после влагањето на Томовски почна и подобриот период на игра. Запре неколку удари на противникот и овозможи Вардар да се врати во ритам и да дојде до израмнување од 13:13.

Сепак, последните моменти од првиот дел не беа одработени најдобро така што Пик Сегед стигна до предност и на пауза отиде со 17:15.

Второто полувреме тргна одлично. Томовски продолжи со серијата на интервенции, а колегите го користеа тоа. Иако Пик Сегед беше во постојано водство се израмнуваше. Во 37. минута беше 20:20, а Талески не успеа да искористи топка од лево крило за водство. Тука домашните одново дојдоа до предност и влегоа во завршницата со предност од гол до два.

Вардарци се трудеа да се вратат одново и повторно да израмнат, но не одеше најдобро. Пик Сегед го имаше Миклер кој кога требаше успеа да одбрани неколку топки и во 49. минута домашните имаа 28:24.

Последните десет минути беа одиграни со константна предност од три гола на Пик Сегед. Вујовиќ се обиде да се направи нешто во овој дуел и да се сменат работите на теренот одново, но беше тешко и во завршницата мораше да биде потпишана четвртата капитулација во Лигата на шампионите.

ПИК СЕГЕДВАРДАР 1961 18 ноември 2021 34 - 31 Крај

Детали

Датум	Време	Лига	Сезона	Match Day	Крај
18 ноември 2021	20:21	ЛИГА НА ШАМПИОНИ А	2021/2022	18.11.2021	60'

Резултати

Екипа	1-во полувреме	2-ро полувреме	Резултат
ПИК СЕГЕД	17	34	Победа
ВАРДАР 1961	15	31	Пораз

ПИК СЕГЕД

#	Играч	Позиција	Исклучување	Голови
5	Кент Робин Тонесен	десен бек	0	8
9	Рихард Бодо	лев бек	0	2
10	Мигел Мартинс Соарез	централен бек	1	3
15	Ник Хенигман	лев бек	0	0
16	Роланд Миклер	голман	0	0
17	Богдан Радивојевиќ	десно крило	0	0
22	Матеј Габер	пивот	1	0
24	Марио Шоштариќ	десно крило	0	1
25	Себастијан Фримел	лево крило	1	9
27	Бенце Банхиди	пивот	0	3
32	Мирко Алиловиќ	голман	0	0
41	Иманол Алустиза	десен бек	0	0
44	Деан Бомбач	централен бек	0	4
45	Миклош Роста	пивот	0	0
71	Александре Кристоферсен Блонц	лево крило	0	0
	Вкупно		3	30

ВАРДАР 1961

#	Играч	Позиција	Исклучување	Голови
1	Борко Ристовски	голман	0	0
5	Стојанче Стоилов	пивот	0	1
6	Оливие Њокас	лев бек	0	1
7	Патрик Валчак	пивот	1	3
9	Гоце Георгиевски	десно крило	0	0
10	Кевин Њокас	десен бек	1	4
11	Мартин Карапалевски	централен бек	0	0
12	Мартин Томовски	голман	0	0
13	Дијало Бакари	лев бек	0	2
14	Јан Чувара	лево крило	0	0
24	Анте Гаџа	централен бек	0	6
28	Филип Талески	лев бек	1	2
31	Тимур Дибиров	лево крило	0	7
45	Дарко Ѓукиќ	десно крило	1	5
47	Анте Кудуз	лев бек	0	0
55	Стефан Атанасовски	пивот	0	0
	Вкупно		4	31

ЛИГА НА ШАМПИОНИ – ГРУПА А

ТАБЕЛА