Вардар немоќен против Нексе, се враќа со пораз од Нашице

Ракометарите на Вардар на првиот натпревар после ЕХФ неделата не успеаја да одиграат како што се очекува и одново примија многу голови, па го претрпеа вториот пораз сезонава во СЕХА со 36:32 во Нашице.

Средбата тргна лошо за вардарци бидејќи домашните набрзина направија предност од пет гола. За шест минути игра резулттот беше 5:0, а тука следуваше реакција од Вардар. Ракометарите на шампионот на Македонија за седум минути не примија гол и успеаја да израмнат на 5:5.

Ова беше период на добра одбрана и неколку интервенции од Ристовски така што беше лесно да се врати во ритам. Меѓутоа домашните одново отидоа на предност и водеа со 8:5 за во 18. минута да се дојде до 9:9.

Израмнетата игра траеше и во продолжението од првото полувреме. До крајот на паузата имаше неизвесност при што ниту еден тим не успеа да создаде предност која пред заминување на одмор беше еден погодок во корист на Нексе, односнo 15:14.

Второто полувреме донесе почеток во кој вардарци беа подобри и успеаја да го свртат резултатот во своја полза. До 40. минута беа во постојана предност од еден погодок и беа во гол позитива, но домашните израмнуваа.

При 22:22 во 41. минута следуваа две минути криза во кои Нексе набрзина стигна до 3:0 и овие три гола најавија тешка завршница за Вардар. Негативата растеше, а во 48. минута се искачи на пет гола кога вардарци губеа со 24:29.

Домашните делуваа прерасположено и знаеја како да ја зачуваат предноста. Ракометарите на Вардар се обидуваа да стигнат до враќање во игра, но имаше премногу грешки. Не можеа и да се вратат во потребниот ритам, па мораа да се помират со вториот пораз сезонава во СЕХА лигата. На крајот победата на домашните беше забележана со четири гола разлика и резултат од 36:32.

НЕКСЕВАРДАР 1961 17 март 2021 36 - 32 Крај

Детали

Датум	Време	Лига	Сезона	Match Day	Крај
17 март 2021	18:31	СЕХА ЛИГА Б	2020/2021	17.03.2021	60'

Резултати

Екипа	1-во полувреме	2-ро полувреме	Резултат
НЕКСЕ	15	36	Победа
ВАРДАР 1961	14	32	Пораз

НЕКСЕ

#	Играч	Позиција	Исклучување	Голови
4	Александар Бакиќ	лево крило	0	2
7	Фран Милета	десно крило	0	0
9	Саша Баришиќ Јаман	лев бек	0	2
12	Морено Цар	голман	0	0
16	Михајло Радовановиќ	голман	0	0
18	Марин Јелиниќ	лево крило	1	3
19	Иван Вида	десно крило	0	3
20	Борна Манци Мичевиќ	десен бек	0	0
21	Ален Блажевиќ	лев бек	0	0
23	Томислав Северец	лев бек	1	0
25	Живан Пешиќ	пивот	0	0
28	Јанко Кевиќ	централен бек	1	8
33	Марио Томиќ	пивот	0	3
45	Халил Јагањац	лев бек	0	8
77	Доријан Маркушиќ	централен бек	0	1
87	Џанфранко Прибетиќ	пивот	0	6
	Вкупно		3	36

ВАРДАР 1961

#	Играч	Позиција	Исклучување	Голови
1	Борко Ристовски	голман	0	1
2	Васко Шеваљевиќ	лев бек	0	3
4	Томислав Јагуриновски	десен бек	0	1
9	Гоце Георгиевски	десно крило	0	1
11	Мартин Карапалевски	централен бек	0	3
15	Кристијан Дисингер	лев бек	0	0
21	Глеб Калараш	пивот	2	2
24	Анте Гаџа	централен бек	0	6
27	Иван Чупиќ	десно крило	0	2
28	Филип Талески	лев бек	0	2
31	Тимур Дибиров	лево крило	0	9
44	Јосип Векиќ	десен бек	0	2
55	Стефан Атанасовски	пивот	0	0
77	Робин Кантегрел	голман	0	0
97	Марко Мишевски	лев бек	0	0
98	Марко Кизиќ	голман	0	0
	Вкупно		2	32

СЕХА ЛИГА – ГРУПА Б

ТАБЕЛА