Ракометарите на Металург нема да имаат време за одмор по настапот во Лигата на Европа против францускиот Тулуз.
Металурзи утринава ги чекаа два лета од Тулуз за Париз, потоа за Белград, а оттаму со автобус треба да се вратат во македонската престолнина.
Но нема да имаат време за одмор бидејќи ги чека продолжението од Суперлигата и натпреварот од 5 коло на гости против Младост Богданци, утревечер од 20:30 часот во салата „Млаз“.
Другите два натпревари меѓу Бутел и Еурофарм Пелистер 2, како и Тиквеш против Прилеп ќе се играат утре во терминот од 19:00 часот.
