Ракометарките од Египет имаат барање до федерацијата во кое бараат конечно нивниот глас да се слушне. Група талентирани млади ракометарки започнаа кампања во која ја повикуваат федерацијата да формира женска репрезентација. Девојките кои играат ракомет во земјата се чувствуваат нерамноравни со мажите и со девојките кои се натпреваруваат во другите спортови, како што се кошарка или одбојка.
Под хаштагот „wearethechampions“ (или „Ehna el abtal“ на арапски јазик), ракометарите родени во генерациите 1998 и 2000 година започнаа кампања во која се повикува Египетската ракометна федерација да исполни две специфични барања.
Првото барање е да се создаде женски национален тим што ќе им овозможи да ја претставуваат својата земја. Втората е да се регулираат и регистрираат соодветни договори за играчите во нивните клубови, да се заштитат нивните права и да им се овозможи да учествуваат на здрав трансфер пазар што би го подигнал нивото на конкуренција во домашната лига.
Ракометот во Египет е единствен спорт кој нема женска репрезентација, но со оваа иницијатива на Лама Елшавари се надеваат дека ќе успеат да ја убедат федерацијата да формира женски тим. Една од замерките е дека развојот на машкиот и женскиот ракомет во Египет не е подеднаков. Според Елшавари ваквиот однос кон женскиот ракомет може да значи крај за спортот во женска конкуренција во Египет.
ПОВРЗАНИ ВЕСТИ
