Ракометната федерација на Македонија заедно со претставниците на клубовите денеска одлучи како ќе изгледа Суперлигата во машка конкуренција во следните две сезони.
Елитната машка лига во нашата држава ќе брои 16 екипи, меѓу нив и тимовите што (ќе) ја претставуваат Македонија во СЕХА лигата, Вардар и Еурофарм Пелистер (ќе се приклучат во плеј-оф) како и најдобрите шест екипи во Првата лига (Тиквеш, Прилеп и Младост Богданци се повратници во Суперлигата, а ќе дебитираат Јуниор КВ, КЛ7 и Астраион).
Тие ќе бидат поделени во две групи (по седум екипи) согласно претходниот ранкинг на РФМ и ќе одиграат двокружно, дома и гости, вкупно 14 кола (во секое коло ќе има слободна по една екипа).
Во Суперлигата следната сезона ќе играат екипите на Вардар, Еурофарм Пелистер, Металург, Охрид, Пролет, Бутел Скопје, Радовиш, Еурофарм Пелистер 2, Струга, Работнички, Астраион, Прилеп, Јуниор КВ, Тиквеш, КЛ7 и Младост Богданци.
На местото на вторите екипи на Вардар и Металург, влегоа уште два прволигаши, кои беа третопласирани во своите групи – Младост Богданци и Јуниор КВ.
Можен изглед на групите во Суперлигата:
Група 1:
Металург
Пролет
Радовиш
Струга
Тиквеш
Младост Богданци
Прилеп
Група 2:
Охрид
Бутел Скопје
Еурофарм Пелистер 2
Работнички
Астраион
КЛ7
Јуниор КВ
ПОВРЗАНИ ВЕСТИ
