Тимот на Будакалаш, каде што настапува македонскиот голман Даниел Ѓорѓески, ја оствари третата победа во унгарскиот шампионат.
Будакалаш на домашен терен беше подобар од незгодниот Комло со минимални 26-25, иако можеше и многу порано да го реши победникот.
Гостите водеа со 8-11 во првиот дел, но со помош на Ѓорѓески, Будакалаш направи серија од шест гола за 14-11.
Во финишот имаше и 26-22, а гостите успеаја да намалат до конечните 26-25. Македонскиот голман имаше шест интервенции, но сите беа во клучни моменти.
Будакалаш сега е на седмото место на табелата, со три победи, две реми и три порази, а следен предизвик за тимот на Ѓорѓески ќе биде гостувањето кај Веспрем КФТ.
ПОВРЗАНИ ВЕСТИ
