Ракометарките на Ѓорче Петров ја продолжуваат битката за титулата во Женската лига, откако славеа убедливо на гостувањето кај Деспина во Прилеп со убедливи 17-29.
По нерешените 8-8 во првиот дел, гостинките погодија четири пати по ред за 8-12, резултат со кој се замина на пауза, а овој период ќе се покаже како клучен за исходот на мечот.
Во второто полувреме избраничките на Симе Симовски заиграа уште подобро. Со серија од пет гола зголемија на 8-17 и веќе беше јасно каков тек ќе има овој натпревар. До крајот само рутински беше одржана високата предност.
Најдобри стрелци кај Ѓорче Петров беа крилата Анастасија Белевска и Анастасија Николовска со по четири гола, додека кај Деспина четири ракометарки постигнаа по три гола – Рипилоска, Гулеска, Димитрова и Петреска.
Сега Ѓорче Петров има 33 бода на второто место, а Куманово е прв со 36 бода, а овие две екипи ќе имаат меѓусебен двобој кој ќе биде клучен за шампионската титула.
ПОВРЗАНИ ВЕСТИ
