Екипата на Шампион го финишираше овој дел од сезоната со победа од 33:21 над Риниа М што беше и повеќе од доволна потврда за пласманот во плеј-офот од Првата машка лига.
Кој ќе победи на овој дуел беше познато рано во мечот, а добрата игра прикажана во комплетната полусезона беше само потврдена и на овој натпревар.
Откако во првото полувреме ракометарите на Риниа М успеваа да парираа и издржаа во поголемиот дел да бидат и во предност, на одмор резултатот беше 14:11 во корист на Шампион.
Квалитетот дојде до израз во продолжение од натпреварот кога ракометарите на Шампион наметнаа посилно темпо и успеаја да стигнат до двоцифрена предност која на крајот изнесуваше 12 погодоци.
Оваа победа беше и повеќе од доволна за да се потврди местото во главната лига напролет кога ќе се бара место во суперлигашката конкуренција. Инаку, Шампион завршува на 3. позиција во Групата А зад Аеродром и Драчево.
РИНИА М – ШАМПИОН 21:33 (11:14)
Сала: „Гемиџии“ во Велес. Судии: Иван Јованов од Радовиш и Драган Јовановски од Штип. Делегат: Зоран Јовановски од Штип.
РИНИА М: Енес Мемеди, Тахири, Палоши, Емини 7, Саити, Весов 2, Мемети, Сулејмани 3, А. Исмаили 3, Енис Мемеди 3, Туша, Џ. Исмаили, Стојчевски 3
Седмерци: 3/4, Исклучувања: 10 мин.
ШАМПИОН: Ступар, Димовски, Станиќ, Игнов 8, Мишоски 2, Дрпљанин, Стефановски 2, Налетовски, Ивчески, Мојсовски 3, Марковски 7, миланов 3, Стојановски 5, Манојловски 1, Миноски 2.
Седмерци: 3/4, Исклучувања: 4 мин.
ПОВРЗАНИ ВЕСТИ
