Екипата на Цирих каде што настапува интернационалецот Мартин Поповски во 27. коло од најсилната лига на Швајцарија ја забележа четвртата победа откако славеше на домашен терен против Базел со 27:23.
Мартин Поповски во победата на својот тим придонесе со два погодоци од четири обиди, а имаше и едно исклучување од две минути.
Цирих имаше предност во најголемиот дел од мечот, а после првиот дел предноста беше три гола кога домашниот тим водеше 13:10. Во продолжение тимот на Поповски сигурно ја чуваше позитивата и стигна до победата.
Тимот на Цирих после 27 одиграни кола се наоѓа на 9. позиција на табелата и се наоѓа пред тешка задача во битката за опстанок во плеј-аутот.