Ракометарот на Металург, Халил Озтурк доби повик за настап во репрезентацијата на Турција за квалификациските натпревари за обезбедување место на Светското првенство 2023 кое ќе се одржи во Полска и Шведска.
Озтурк кој игра на позиција среден, но и лев бек имаше забележителни настапи за екипата од Автокоманда, иако составот на Иван Марковски имаше лош старт во Супер лигата.
Турција се наоѓа во квалификациската група 1, а противници ќе бидат репрезентациите на Косово, Белгија и Грција. Најдобрите две репрезентации ќе се квалификуваат во втората фаза од квалификациите за Светското првенство.
Со оглед на квалитетот на противниците, Турција е голем фаворит во својата група. Првиот предизвик за Озтурк и неговите репрезентативни колеги е утрешниот натпревар против селекцијата на Косово.
ПОВРЗАНИ ВЕСТИ
