Тасески и Николоски ја водеа Јехона до победа против Бисинов

Ракометарите на Јехона во натпревар од 2. коло од Првата лига дојдоа до убедлива победа против дебитантот, тимот на Бисинов од Велес, со шест гола разлика, 34:28. За Јехона ова беше прва победа во новата натпреварувачка сезона, додека Бисинов го забележа вториот пораз.

Гостите од Велес парираа петнаесетина минути и во неколку наврати беа во водство, но по нерешениот резултат од 8:8, домаќините со одлична серија од 6:0 се одлепија ја 14:8 и тука ја завршија својата задача. По 30 минути игра, резултатот беше 18:12 за Јехона.

Во вториот дел продолжи доминацијата на домашната екипа, која со расположените Тасески и Николоски лесно стигнуваше до погодоци. Дебитантот во прволигашкото друштво немаше никакво решение како да ги запре расположените домаќини и мораше да го прифати исходот од средбата.

Мојсе Тасески беше прв стрелец во победничката екипа со девет гола, додека осум постигна Бобан Николоски. Солидна партија одигра и средниот бек Адис Салиу, кој имаше четири реализации. Кај екипата на Бисинов се истакна Мартин Иванов со пет гола.