Странците заминаа од Богданци

Екипата на Младост од Богданци во следната сезона ќе продолжи со свој играчки кадар, односно домашни играчи.

Интернационалците Александар Лупашко, Микита Лошчаков и Руслан Гончаров нема да бидат дел од екипата за новата сезона. Замина и десното крило Никола Димитров.

Младост во завршената натпреварувачка сезона не успеа да обезбеди опстанок во Супер лигата и поради тоа, во следната сезона клубот ќе игра во Првата лига.

Креаторот на нивната игра, Мите Стоилов ја заврши својата кариера, а раководството на клубот доколку сака повторно влез во Супер лигата и подобри резултати ќе мора да најде соодветни замени за испразнетите позиции.