СП 2021 Група Б: Четири различни стила кои ветуваат многу неизвесност

Во групата Б на Светското првенство во Египет три континенти имаат свои претставници, а едно е сигурно – натпреврите ќе бидат тешки и неизвесни. Европскиот првак Шпанија ќе се сретне со Полска, Тунис и Бразил во обид да го освои првиот медал на СП после освојоувањето на титулата во 2013 година.

Секоја репрезентаија од групата има нешто уникатно. Шпанија се потпира на искуството на своите ракометари, нивната сила и хемија која ја има во тимот. Полска е препознатлива по физичката сила, додека Тунис може да се пофали со брзина и техника, а Бразил секогаш може да изненади со својата комбинација на младост и искуство.

Ваквиот формат на првенството каде што три екипи продолжуваат во наредната фаза придонесува тимовите да немаат право на грешка и секој натпревар ќе биде максимално важен. Сепак во групата Б има еден тим кој е јасен фаворит, а тоа е Шпанија. Искуството, тактичкото знаење и разноврсноста се главни адути на Шпанците што ги прави едни од фаворитите за медал. Избраниците на Жорди Рибера се актуелни европски шампиони од последното Европско првенство 2020 година.

Костурот на тимот остана ист, со врвни голмани во Перез Де Варгас и Родриго Коралес, искусниот капитен Раул Ентрериос и квалитетните браќа Даниел и Алекс Душебаев. Шпанија има позитивен учинок против сите ривали од групата со тоа што на дуелите со Бразил и Тунис се перфектни со сите победи.

Шпанија доминираше на сите дуели против Бразил на светските првенства и олимписките игри, сепак со текот на времето гол разликата во победите се намалуваше. Најнеизвесно беше на во осминафиналето на првенството во Франција во 2017 година кога Брзил водеше 40 минути, но сепак Шпанија победи со 28:27. Шпанците имаат одиграно седум натпервари против Тунис и исто толку победи со просечна гол разлика од 6,8.

Додека Бразил и Тунис сè уште ја очекуваат својта прва победа против Шпанија, Полска веќе го има сторено тоа. Иако Шпанија ги доби последните седум меѓусебни средби, Полјаците последната победа против нив ја имаат на Светското првенсство во Катар во 2015 кога во дуел за бронзениот медал после продолженија славеа со 29:28. Тоа беше врвот на една многу успешна генрација на Полска што беше крунисана со медал од Светско првенство. Потоа следуваше голема промена на генерацијата во репрезетацијата на Полска што резултираше со неуспех на квалификациите за пласман на СП 2019. Сега откако добија вајлд карта за настап во Египет, Полјаците повторно се стремат кон нов успех и пласман во главната рунда.

Играчите на Шпанија и Полска можат да се пофалат со повеќегодишно искуство од играње во силните европски лиги, додека оние од Тунис и Бразил исто така во последниве години се повеќе се присутни во Европа и оставаат свој траг. Тунис ќе се сретне со Бразил на 17 јануари во натпревар кој би можел да биде одлучувачки за пласман во нарендата фаза. Африканската репрезентација која беше втора на континенталното првенство зад Египет веќе има две победи на светските првенства против Бразил од три дуели. Но јужноамеркианскиот претставник доаѓа во Египет со цел да го подобри својот најголем успех од претходното првенство кога заврши на деветото место на првенството во Германија и Данска во 2019 година.

Шпанија веќе 15 години постојано е во врвот на големите натпреварувања. До сега Шпанците имаат учества на 20 светски првенства и освоени две шампионски титули во 2005 и 2013 година. На оваа светско првенство доаѓаат како европски шампиони со само една измена во тимот. Хулен Агинагалде после долгогодишни настапи во репрезентацијата за ова првенство е надвор од тимот, а на негово место е Рубен Марчан. Клучни играчи во тимот на Шпанија се голманот Гонзало Перез де Варгас, тука е и капитенот Раул Ентрериос и Алекс Душебаев.

На претстојното првенство Полска ќе се обиде да се врати на претпознатливите патеки од минатото но со подмладен состав. Полска има 15 настапи на мундијалите, а најголемиот успех им е третото место во Катар во 2015 година. Клучни играчи во подмладениот тим се очекува да бидат Аркадиуш Морито и голманот Матеуш Корнецки, а тука е и играчот на Вардар, Патрик Валчак.

Тунис пристигнува на првенството како второпласирана земја од африканското првенство со желба за нов добар резултат. Ова ќе биде нивно 14. учество на мундијалите, а најголем успех имаат во 2005 година кога завршија на четворото место. Клучни играчи во тимот се левиот бек Мосбах Санаи, средниот бек Камел Алуини и голманот Маурен Магиз.

Брзил со големи амбиции ќе настапив на Мундијалот во Египет откако на последното првенство имаше фантастично издание. До сега Бразил има 14 учества, а најдобар резултат остварија на првенството во 2019 година кога беа деветти. Водечки играчи во тимот се Фелипе Боргес (лево крило), Рожерио Мораес на пикерската позиција и Тијагуш Петруш како главен солб во одбраната.