Женската репрезентација на Романија не игра според очекувањата на Светското првенство во Јапонија под водство на шведскиот стратег Томас Риде, па романските медиуми се бесни на него и не ги штедеа критиките.
Романија во првото коло загуби катастрофално од Шпанија со 16-31, потоа го победи Сенегал 29-24, а не беше убедлива ниту против Казахстан и славеше само со 22-20. Денеска загубија и од Црна Гора со голем пресврт, 26-27.
Медиумите се бесни на селекторот Томас Риде, а најжесток наслов имаше „Газета спортурилор“. Колегите побараа од претседателот на федерациајта, Александре Деду, кој се наоѓа во Јапонија, уште веднаш да го избрка Швеѓанецот од клупата на Романија: „Испратете го „спанкото“ Риде дома. Веднаш!“.
Челниците на федерацијата побараа малку повеќе доверба во селекторот и најавија дека шансите на Романија за пласман во следната фаза се уште постојат. Во меѓусебен дуел Романија и Унгарија ќе решат за последниот патник во главната рунда.