Тимот на Нант, каде што игра македонскиот капитен Кире Лазаров, ќе биде вториот француски претставник во Лигата на шампионите. Француската федерација реши да го пријави Нант во ЕХФ, иако и Монпелје бараше место во елитната конкуренција.
Тоа значи дека Лазаров по една година пауза ќе се врати во Лигата на шампионите и ќе може да го подобри својот рекорд на постигнати голови.
По една година пауза, откако настапуваше за словенечки Крим, во елитното натпреварување место ќе има и за Сара Ристовска и нејзината ЦСКА Москва. Руската федерација го пријави овој тим како втор претставник после Ростов, откако второпласираната Лада Тољати реши да игра во Лигата на Европа.
Сепак местата на Нант и ЦСКА Москва во ЛШ треба да бидат потврдени од ЕХФ, но со оглед на конкуренцијата, повеќе од сигурно е дека ќе добијат позитивен одговор.
ПОВРЗАНИ ВЕСТИ
