На поранешната репрезентативка на Унгарија, Тимеа Тот и беше дијагностициран рак на дојка.
Тот на социјалната мрежа Фејсбук ја информираше јавноста за нејзината болест, а пред извесен период за „Nemzetisport“ говореше за големата борба.
„Веста беше шокантна, но на почетокот бев повеќе загрижена дека нема да можам да имам дете на неопределено време. Еден пријател рече дека ако умрам, дефинитивно нема да морам да се породувам. Сфатив дека треба да се фокусирам на мојот третман. Побарав помош и работам со психолог. Тоа беше свесна одлука, не сакав да го поминам сето ова сама. Поминав низ различни фази на прифаќање на болеста. Првите неколку недели лежев, а потоа дојде очај, гнев и бес. Ги мразев сите што ми кажуваа што да правам, што да јадам. Знам дека луѓето сакаат добро, но јас само сакав да бидам сама. Сега сум во фаза на прифаќање, се согласив да го следам патот на лекување“, изјави Тот.
Во својата кариера, Тот настапуваше за екипите на Ференцварош, Вац, Хипо и ЕРД. За репрезентацијата на Унгарија настапуваше од 2002 до 2010 година и одигра вкупно 155 официјални натпревари во репрезентатовниот дрес.
Со својата репрезентација го освои бронзениот и сребрениот медал на Светското првенство во 2003, односно 2005 година. Во 2004 година на Европското првенство кое се одржуваше во нејзината земја, со своите колешки го освоија бронзениот медал.
Беше дел и од големото финале во Лигата на шампионите меѓу Кометал Ѓорче Петров и Ференцварош во 2002 година.
ПОВРЗАНИ ВЕСТИ
