Машката репрезентација на Македонија утре го игра вториот натпревар од квалификациите за пласман на Европското првенство во 2024 година во Германија.
Ривал е Турција, а нашите ракометари денеска пристигнаа во градот Ван и го одржаа тренингот пред утрешниот натпревар.
Селекторот Кире Лазаров поведе на пат 17 ракометари, а кој ќе отпадне од комбинација ќе биде познато по тренингот.
Мечот меѓу Турција и Македонија се игра во спортската сала „Нур Татар“ во Ван со почеток од 16:00 часот, а судии се Бркиќ и Јусуфхоџиќ од Австрија.
Македонија во првото коло славеше убедливо против Луксембург со 14 гола разлика, 38-24.
ПОВРЗАНИ ВЕСТИ
