Потврда од светската куќа на ракометот: Македонија го доби вториот пар со ИХФ значка!

Даниело Божиновски и Виктор Начевски се втората судиска двојка од Македонија што ќе може да суди на натпреварувања под капата на Светската ракометна федерација.

По Ѓорѓи Начевски и Славе Николов, кои одамнаа имаат ИХФ значка, Божиновски и Начевски ќе бидат втората двојка.

Од светската куќа на ракометот на денешната објавена листа потврдија дека нашата држава го доби вториот судиски пар со ИХФ значка.

Божиновски и Начевски полагаа за ИХФ значката на натпреварите од Светското првенство во Македонија.

Очигледно дека со отсуденото во Скопје ги задоволија високите критериуми на судиската комисија во ИХФ, па сега може да се подготвуваат за новата етапа во нивните кариери.

Божиновски и Начевски од оваа сезона ќе можат да конкурираат за СП во сите конкуренции и категории, како и за сите други настани под капата на Светската ракометна федерација.