Поволна ждрепка: Португалија и Турција стојат на патот на Македонија до ЕП!

Машката сениорска репрезентација ги доби противниците во квалификациите за пласман на Европското првенство во 2024 година.

Избраниците на Кире Лазаров ќе се борат против Португалија, Турција и Луксембург на патот кон обезбедување нов настап на големо натпреварување.

Без Кире Лазаров и Филип Миркуловски, како и без уште некои од поискусните ракометари, Македонија ќе се обиде да обезбеди место на континенталниот собир.

Пласман на континенталниот собир ќе обезбедат прво и второпласираните од осумте квалификациски групи, како и најдобрите четири третопласирани селекции.

Квалификациите почнуваат на 12/13 октомври оваа година, а второто коло се игра три дена подоцна, додека останатите четири меча се на програмата во март и април догодина.

Европското првенство во 2024 година, ќе се игра во Германија од 10 до 28 јануари во седум града.