Тимот на Порто, каде што настапува македонскиот репрезентативец Никола Митревски, забележа нова победа во португалскиот шампионат.
Порто славеше на домашен терен над Боависта со убедливи 40-21, а победата беше обезбедена на полувреме кога домаќинот водеше со 21-12.
Митревски бранеше едно полувреме и забележа пет одбрани од 16 удари, или 30% одбранети удари.
Порто сега има 14 победи на 14 натпревари, а следен предизвик за португалскиот првак ќе биде гостувањето кај Келце во Лигата на шампионите.
ПОВРЗАНИ ВЕСТИ
