Поранешниот македонски репрезентативец Филип Лазаров го продолжи договорот со германскиот Ратинген.
Левиот бек дојде во овој клуб во 2018 година од турскиот првак Бешикташ и веќе четврта сезона настапува во Ратинген.
Договорот е продолжен за уште една година и Лазаров ќе остане најмалку до 2022 година.
„Среќен сум што ќе продолжам да бидам дел од овој амбициозен клуб и ќе направам се што можам да ги оствариме целите заедно. Се надевам дека ситуацијата наскоро ќе биде подобра и ќе се вратиме во салата“, вели Лазаров.
Тренер на Ратинген е уште еден поранешен македонски репрезентативец Ацо Јоновски, а претходно член на овој клуб беше и голманот Петар Ангелов.