Европската ракометна федерација ги делегираше арбитрите за петтото коло во Лигата на шампионите што ќе се игра следната недела.
Македонската судиска двојка Славе Николов и Ѓорѓи Начевски доби нова задача и ќе патува во Нант.
Николов и Начевски ќе го судат дербито во групата меѓу екипите на Нант и Кил, што ќе се игра на 27 октомври од 20:45 часот.
Делегат на овој натпревар ќе биде Гулао од Португалија.
Претстојниот викенд уште две двојки од Македонија, ќе судат натпревари од женската Лига на шампиони. Металари и Николовски ќе бидат арбитри на мечот Оденсе – Битигхајм, додека Карбеска и Илиева ќе им судат на Кастамону и Есбјерг.