Екипата на Порто си најде нов голман, а со тоа Никола Митревски добива конкуренција за следната сезона од Данска.
Станува збор за Себастијан Франдсен кој доаѓа од редовите на Холстебро, а има 26 години. Тој во својата кариера има настапи за неколку екипи од Данска, а од 2018 година е дел од тимот на Холстебро.
Претходно, Франдсен бранеше за тимовите на Есбјерг и Бјеринбро Силкеборг. Во кариерата има настапи за младинските селекции. Во 2013 година има златен медал на Светското првенство за кадети, а тогаш е прогласен и за најдобар голман на турнирот.
Сепак, големата конкурнеција за голот на Данска не му овозможи да се пробие како сениор, па секогаш е во позадина.
Со тимот на Порто се договори на соработка од две години и ќе има тешка задача да се избори за место за голот заедно со Никола Митревски.