Тимот на Штутгарт, каде што игра македонскиот репрезентативец Жарко Пешевски загуби на гостувањето кај Фуксе Берлин со 31-25.
Пешевски играше солидно на овој натпревар и успеа да постигне три гола од пет обиди. Кај Фуксе голманот Милосављев запиша дури 18 интервенции и не им даде никаква шанса на гостинските ракометари.
Вецлар, пак, каде што игра Филип Миркуловски прослави убедлива победа на домашен терен над составот на Балинген со 36-26.
Некогашниот македонски репрезентативец постигна еден погодок од еден обид.
Во вечерниот термин од Бундес лигата, ќе настапи и Филип Кузмановски со Хановер на мечот против Рајн Некар Левен.