Екипата на Магдебург без многу проблеми ја мина првата пречка на Супер Глоуб турнирот, откако триумфираше против составот на Универзитет Сиднеј, претставникот на Австралија и Океанија, со 32:20.
На полувреме бундеслигашот имаше предност од пет погодоци, 17:12. Во вториот дел, Магдебург ја покажа својата моќ и многу лесно го наоѓаше патот до мрежата на противникот.
Германскиот претставник на три минути пред крајот имаше водство од 29:19. Разликата беше максимално зголемена на плус 12 за Магдебург во завршните секунди.
Денес во вториот осминафинален натпревар на овој турнир ќе се соочат екипите на Ал Веда од Саудиска Арабија и Сан Франциско од САД.
ПОВРЗАНИ ВЕСТИ
