Еден од легендите на македонскиот ракомет и на Вардар, Стојанле Стоилов, заминува во пензија, откако реши да ја заврши кариерата.
Како што најави 24Ракомет одамна, тој ќе му биде асистент тренер на Владо Недановски и ќе биде координатор на младинските школи.
Искусниот ракометар во април минатата година стави крај на репрезентативната кариера и беше за очекување дека за брзо време ќе се повлече и од клупско ниво.
Стоилов беше дел од сите подеми и падови на Вардар, со „црвено-црниот“ тим освои две титули во Лигата на шампионите, сезона 2016/17 и 2018/19.
Освен двете европски титули, со тимот на Вардар осум пати беше шампион во Супер лигата и девет пати победник во Купот на Македонија.
Легендарниот Стоилов со Вардар има освоено и пет шампионски титули во регионалната СЕХА лига.
ПОВРЗАНИ ВЕСТИ
