Ракометарките на Вајперс Кристијансанд ја одбранија титулата европски шампион откако славеа во финалето на Ф4 турнирот во Лигата на шампиони против Ѓер со 33:31.
Вајперс Кристијансад на Ф4 турнирот во Будимпешта беше предводен од репрезентативката на Чешка, Маркета Јерабкова, која беше незапирлива на теренот.
Јерабкова на Ф4 турнирот беше стрелец на 19 погодоци, од кои 12 во полуфиналниот дуел против Мец и седум погодоци во големото финале против Ѓер.
26-годишната ракометарка заслужено беше прогласена за МВП на овогодишниот Ф4 турнир во Лигата на шампионите кај дамите.
Левиот бек сезоната во старо-новиот европски шампион ја заврши на најдобар можен начин, со дупла круна во Норвешка, шампионската титула во најквалитетното европско натпреварување и МВП наградата за најкорисен играч на Ф4 турнирот во Будимпешта.
🙌 The #ehffinal4 MVP for 2022 is @VipersKrSand's Marketa Jerabkova, who scored 1⃣9⃣ times as her side defended their #ehfcl title pic.twitter.com/kqcGIUPUAT
— EHF Champions League (@ehfcl) June 5, 2022
Вајперс ја одбрани титулата – го тресна Ѓер среде Будимпешта
ПОВРЗАНИ ВЕСТИ
