Денес ќе се одиграат два суперлигашки натпревари во рамки од 6. коло од македонската елита. Струга во езерското дерби на свој терен ќе го пречека Охрид, додека Вардар Неготино пред својата публика силите ќе ги одмери со дебитантот во суперлигашкото друштво, тимот на Алкалоид, и ќе се обиде да ги освои првите бодови.
На европска сцена, женскиот тим на Металург денес од Солун ќе ја започне европската авантура за годинешната сезона. Избраничките на Јулијана Дамчевска со почеток од 15:00 часот ќе го одиграат првиот дуел против ПАОК, во рамки од второ коло од Европскиот Куп и ќе се обидат да направат поволен резултат. Реванш дуелот, кој ќе одлучи која екипа ќе се пласира во следната фаза од Европскиот Куп ќе се одигра на 15 октомври во Автокоманда.
Настап во Европскиот Куп ќе има и македонскиот шампион Ѓорче Петров, кој по вчерашното реми против КА Тор, вечерва со почеток од 21:30 часот ќе атакува на победа и пласман во следното коло во третото по ранг квалитетно европско натпреварување.
За македонската јавност интересни ќе бидат и двата прволигашки натпревари во Скопје меѓу Металург РА и Аеродром и Драчево и Голден Арт 2. Кај дамите ќе биде одигран еден натпревар. Деспина од Прилеп ќе гостува во Свети Николе кај амбициозниот тим на Овче Поле Славјански Универзитет.
На Европска сцена ќе бидат активни дел од македонските интернационалци, а ќе се одиграат и два натпревари од женската Лига на шампионите.
ДЕНЕСКА НА ТЕРЕНИТЕ:
12:00 АСТРАХАНОЧКА – СТРАВРОПОЛЕ (РУСИЈА)
13:00 ВАРДАР – СКОПЈЕ (МАКЕДОНИЈА)
13:00 ШАМПИОН – ТЕКСТИЛЕЦ (МАКЕДОНИЈА)
13:00 ДИНАМО – РОСТОВ (РУСИЈА)
15:00 ПАОК – МЕТАЛУРГ (ЕВРОПСКИ КУП)
15:00 КРАСНОДАР – ИЖЕВСК (РУСИЈА)
15:30 МЕТАЛУРГ РА – АЕРОДРОМ (МАКЕДОНИЈА)
16:00 БУДУЌНОСТ – МЕЦ (ЛИГА НА ШАМПИОНИ)
16:00 ГДАЊСК – КЕЛЦЕ (ПОЛСКА)
16:00 ХОЛСТЕБРО – ГОГ (ДАНСКА)
18:00 ОХРИД – СТРУГА (МАКЕДОНИЈА)
18:00 СТОРХАМАР – КАСТАМОНУ (ЛИГА НА ШАМПИОНИ)
18:00 ГОРЕЊЕ – КРКА (СЛОВЕНИЈА)
18:00 ПАНЧЕВО – ВОЈВОДИНА (СРБИЈА)
18:00 ЛОВЌЕН – КОМОВИ (ЦРНА ГОРА)
18:00 ЗАМЕТ – НЕКСЕ (ХРВАТСКА)
18:00 ДРАЧЕВО – ГОЛДЕН АРТ 2 (МАКЕДОНИЈА)
18:30 СКАНДЕРБОРГ – МОРС (ДАНСКА)
18:30 ВАРДАР НЕГОТИНО – АЛКАЛОИД (МАКЕДОНИЈА)
18:45 КАДЕТЕН – ЦИРИХ (ШВАЈЦАРИЈА)
19:00 ИСКРА – БОСНА ВИСОКО (БИХ)
19:00 РУДАР – КАШТЕЛА (ХРВАТСКА)
19:00 ПОРЕЧ – КРИЖЕВЦИ (ХРВАТСКА)
19:00 ОВЧЕ ПОЛЕ – ДЕСПИНА (МАКЕДОНИЈА)
19:00 АЛПЛА – ФУКСЕ (АВСТРИЈА)
19:15 БЈЕЛОВАР – СЕСВЕТЕ (ХРВАТСКА)
19:15 ВАРАЖДИН – МЕТКОВИЧ (ХРВАТСКА)
20:00 ИСТР – ПСЖ (ФРАНЦИЈА)
20:20 ЛИНЦ – ФАЈВЕРС (АВСТРИЈА)
20:30 ХАМ ВЕСТФАЛЕН – ГЕПИНГЕН (БУНДЕС ЛИГА)
21:00 ШАМБЕРИ – ЕКС АН ПРОВАНС (ФРАНЦИЈА)
21:00 АДЕМАР ЛЕОН – БЕНИДОРМ (АСОБАЛ ЛИГА)
21:30 КА ТОР – ЃОРЧЕ ПЕТРОВ (ЕВРОПСКИ КУП)
21:30 ПОРТО – ВУСЕУ (ПОРТУГАЛИЈА)
ПОВРЗАНИ ВЕСТИ
