После 14 години во дресот на Флензбург и на возраст од 38 години, легендата на ракометот во Данска, Ласе Сван одлучи да му каже збогум на играњето на крајот од оваа сезона.
Десното крило кое е во Флензбург од 2008 година донесе тешка одлука, но после сите успеси кои ги направи реши дека е доволно.
Кариерата ја почна во Гог во 2002 година, а после шест години се пресели во Флензбург и остана верен на овој клуб. Со клубот стигна до две титули во Бундес лигата и една во Лигата на шампионите. Покрај тоа има еден трофеј во Купот на Германија и два во Супер купот.
Затоа, пак, како репрезентативец на Данска има далеку поголеми успеси. Има злато и сребро од Олиписките игри. Освојувач е на две титули на Мундијалите и на две сребра, а има по едно злато и сребро и од Европските првенства.
„За 14 години во Флензбург се развив значително како професионален спортист и како личност. На натпреварот на кој се простуваа Ларс Кристијансен, Андреас Егерт и Томас Могенсен. Не можев ни да замислам како е можно толку долго да играат за ист клуб. Сега го направив тоа и самиот и неверојатно сум горд. За мене Флензбург не е само ракомет. Ова е семејство, пријатели… Ова ќе биде збогум со многу емоции. Еднаш мораше да заминам. Знам дека е невозможно да се игра засегаш. Чувствувам дека сега е времето. Сакам да уживам во мојата последна сезона“, вели Ласе Сван.
Оваа сезона ќе му биде последна шанса за да ги поправи бројките кои ги има направено досега на клупски план.
ПОВРЗАНИ ВЕСТИ
